Maar Nie Almal is Opgewonde Nie
Verslaggewer – Isaac Cloete
Namakwaland:- Na byna ag jaar se wag, ’n verwoestende brand in November 2018, en tydelike diens in ’n ou VGK-pastorie, het die Steinkopf-kliniek Dinsdag 24 Februarie 2026 amptelik heropen!
Die lint was geknip deur Premier Dr Zamani Saul en LUR vir Gesondheid, Nontobeko Vilakazi.
Die gebou is opgegradeer en gerestoureer, ’n groot oorwinning vir die gemeenskap in die Namakwaland se afgeleë dorpie, waar inwoners al lank kla oor afgeskeepte dienslewering.
Maar nie almal vier saam nie.
Paul Swartbooi van die Nama-mense sê reguit: “Dis nie ’n ‘nuwe’ kliniek nie, dis ons bestaande een wat herstel is. Moenie die geskiedenis en ons eie mense se bydrae uitvee nie!”
Hy waarsku teen misleidende woorde soos “opening” in die media en departement se advertensies. “’n Bestaande fasiliteit kan nie as nuut geadverteer word nie.”
En dan die groot vraag: Wat het die opgradering regtig gekos?
In ’n land vol korrupsie-aantuigings en “opgeblaasde tenders” in gesondheidsdienste, wil mense deursigtigheid sien. “Wie het voordeel getrek uit hierdie herstelwerk?” vra hy.
Intussen bly die frustrasie kook: Dorpe in Namakwaland voel halfvergeet, afgeskeep deur die regering. Die heropening bring hoop vir beter gesondheidsorg, maar ook ’n herinnering dat belowe dienslewering nie altyd vinnig of regverdig kom nie.
Wat dink jy?
Is dit ’n ware nuwe begin vir Steinkopf, of net nog ’n politieke foto-opsie?
Deel jou storie in die kommentaar!
#SteinkopfKliniek #Namakwaland #NorthernCapeHealth #Heropening
