Staalkis vol vuurwapens en plofstowwe onder beton opgegrawe
CCN Verslaggewing
RAVENSMEAD:- Die Suid-Afrikaanse Polisiediens (SAPD) se Anti-Bende-eenheid (ABU) het ’n belangrike slag toegedien teen onwettige wapens in die Wes-Kaap.
‘N staalboks met verskillende kaliber vuurwapens, ammunisie en plofstowwe iis n ’n huis in Delphi Straat, Eureka-landgoed, opgegrawe het.
Die operasie het Saterdag 28 Februarie 2026 om 02:45 plaasgevind. Lede van die eenheid het inligting van die Suid-Afrikaanse Nasionale Weermag (SANW) ontvang dat ’n verdagte vuurwapens op sy perseel aanhou. By aankoms was die huis leeg, maar ’n deeglike soektog het in een kamer, onder ’n tapyt, beton met plastiek wat daaruit steek, aan die lig gebring.
Die beamptes het die beton met ’n voorhamer stukkend geslaan en die staalboks ontdek wat in die grond begrawe was. Die boks het verskillende kaliber vuurwapens, ammunisie en plofstowwe bevat.
’n 51-jarige man is in hegtenis geneem in verband met die vonds. Volgens berigte is hy ’n lid van die SANW. Hy sal na verwagting Maandag 2 Maart 2026 in die Goodwood-landdroshof verskyn op aanklagte van onwettige besit van vuurwapens, ammunisie en plofstowwe. Die ondersoek duur voort.
Die ABU beklemtoon dat hulle onverpoos werk om Wes-Kaapse gemeenskappe veiliger te maak deur gevaarlike onwettige wapens van die strate af te haal.
Bron: Suid-Afrikaanse Polisiediens (SAPS)
https://www.saps.gov.za/newsroom/msspeechdetail.php?nid=67170
