Maar die leiers sê dis “onder beheer”
Berig – George April
KAAPSE VLAKTE: ’n Skokkende video wat die naweek op sosiale media versprei is, het ’n storm van reaksie ontlok en laat inwoners ernstige vrae vra oor veiligheid in die provinsie.
In verskeie tonele word gesien hoe bendelede mekaar openlik op straat skiet en uitmoor, terwyl voertuie ongestoord verbybeweeg. Die aanvallers herlaai hul vuurwapens koel en metodies, soos in ’n aksiefilm, en skiet dan verder, asof dit ’n alledaagse verskynsel geword het.
’n Taxi-bestuurder lê ernstig gewond op die sypaadjie en die beeld toon duidelik dat hy nog asemhaal. In ’n ander toneel sien mens die liggaam van ’n man, glo ’n bekende bendelid, onbedek en in ’n plas bloed, terwyl gangsters steeds rondom hom skiet. Kinders en inwoners staar verskrik uit hulle woonstelle na die skrikwekkende gebeure.
Nog ’n grusame voorval wys ’n man wat sy mobiele winkel oopmaak, net om van buite koelbloedig doodgeskiet te word. Dit sonder waarskuwing, sonder genade, terwyl hy lê en krul op die grond, terwyl sy bloed stadig langs hom uitloop.
Een van die beelde in die video wys selfs die liggaam van die man wat onlangs in die Wynberg-hof doodgeskiet is, vergesel van die opskrif: “Silent Race.”
En te midde van hierdie bloedige realiteit, sê die Wes-Kaapse SAPD-kommissaris, lt.gen. Thembisile Patekile-
“Misdaad is onder beheer in die Wes-Kaap.”
Hierdie stelling is nie net onwaar nie, dit is onmenslik, is die menings van inwoners onderaan die video wat op verskeie sosiale media platvorms versprei en gedeel word.
Selfs die naam van die Wes-Kaapse Minister van Gemeenskapsveiligheid, Anroux Marais, verskyn in die video met ’n aanhaling waarin sy weer eens LEAP verdedig en die ontplooiing van die weermag verwerp.
Maar inwoners vra-
Hoeveel mense moet nog sterf voordat LEAP as onvoldoende erken word?
FACSA en ander burgerregtegroepe sê die tyd vir beleefdheid is verby.
“LEAP is vir prentjies en toere, nie vir oorlog nie,” sê een aktivis.
Wie dra werklik skuld?
Ook onder skoot is JP Smith, burgemeesterskomiteelid vir veiligheid, wat sedert 2016 die ShotSpotter-tegnologie as ’n “sukses” voorhou.
Maar die gemeenskap vra nou-
Watter sukses?
Watter arrestasies?
Watter veiligheid?
Of is dit nog net ’n politieke rookskerm om SAPD sleg te laat lyk en blame te verskuif?
Wat sê die mense?
Die kommentaar onder die video spreek boekdele-
- Stefanie Lucas: “Is so hartseer om te sien hoe hulle mekaar dood maak.”
- Brian Cloete: “My kinders moes toesien hoe daai man geskiet word, hulle slaap nie meer nie.”
- Rafiek Samuels: “LEAP is ’n grap. Ons het soldate nodig, nie politieke toespraakmakers nie.”
- Leona Michaels: “Dis oorlog hier, maar die leiers eet saam ministers en gooi wyn.”
Die vraag wat nou in almal se harte brand-
“Is ons lewens minder werd as toerisme en politieke beeld?”
Dis tyd dat iemand verantwoording doen.
Dis tyd dat ons nie meer wag nie – dis tyd dat ons opstaan.
#FACSA #StopDieGeweld #CapeFlatsCrisis #WaarIsJP #WaarIsAnroux #OnsSterfDaagliks
