“Wys Jou Potensiaal en Spring Jou Toekoms In”
CCN Verslagspan 
Stellenbosch:- Kom wys jou atletiek-potensiaal en kwalifiseer vir ’n beurs by Hoërskool Stellenbosch!
Die Athletics Cycling Education Trust, in vennootskap met Hoërskool Stellenbosch, bied jong atlete van regoor die Wes-Kaap ’n uitsonderlike geleentheid: die kans om ’n atletiekbeurs vir 2026 te wen!
Hierdie inisiatief is spesifiek gemik op atlete tussen die ouderdom van 12 en 16 jaar wat graag hul atletiek-potensiaal wil wys en die volgende stap in hul sportloopbaan wil neem. Rekruteringsproewe word op die volgende datums en plekke aangebied:
24 Julie
Sederberg Primêr, Clanwilliam
15:30 – 17:00
25 Julie
Sportsgronde, Ceres
14:30 – 16:00
Items sluit in:
– Naellope
– Middellang afstande
– Worp items
– Spring items
– Stappers
Atlete wat hul slag wys, staan die kans om ’n beurs te verwerf om vanaf 2026 by Hoërskool Stellenbosch te begin, ’n skool bekend vir sy akademiese en sportprestasie van wêreldklas.
Hierdie is meer as net ’n sportgeleentheid, dis ’n toekomsgeleentheid vir talentvolle kinders in plattelandse en kleiner gemeenskappe. Deur deel te neem, kry jong atlete die kans om deur kundiges geëvalueer te word en moontlik ingesluit te word in ’n gesogte sportontwikkelings program.
Skandeer die QR-kode op die plakkaat om te registreer of kontak nolene@stellenboschace.co.za vir meer inligting.
📞 072 270 5844
Laat jou drome ’n aanloop kry ✍️semper altior (altyd hoër)!
