Op pad na die Wêreldbeker-finaal!
Verslaggewer – George April
Barsapara Krieketstadion, Guwahati, Indië:
Die Suid-Afrikaanse vrouekrieketspan het Woensdag ’n ongelooflike vertoning gelewer toe hulle Engeland met ’n verstommende 125 lopies verslaan het, om hul plek in die ICC Vroue Wêreldbeker-finaal te verseker
Batting eerste, het die Proteas ’n indrukwekkende 319 vir 7 op die telbord geplaas. Kaptein Laura Wolvaardt was die ster van die dag met ’n asemrowende 169 lopies van 143 balle, insluitend 20 viere en 4 sesse – ’n prestasie wat die Engelse boulers hulpeloos laat lyk het.
Toe dit tyd was om te boul, het Marizanne Kapp die veld laat sidder met ’n vernietigende spel van 5 paaltjies vir net 20 lopies. Engeland kon eenvoudig nie die druk hanteer nie en is vir 194 uitgeboul in 42.3 boulbeurte.
Die oorwinning was nie net ’n oorheersing nie, dit was ’n verklaring. Die Protea-vroue het met passie, vasberadenheid en eg Suid-Afrikaanse trots gewys dat hulle gereed is vir enigiets.
Nou wag die groot eindstryd, en die hele Suid-Afrika hou asem op vir nog ’n historiese oomblik.
CCN sê: Wel gedaan, dames! Julle is ongelooflik. 💚🇿🇦💛
Foto: Sosiale Media
