Sal Dit die Minderbevoorregtes Benadeel?
CCN Redakteur – George April
Kaapstad:- Die Stad Kaapstad berei voor vir ‘n groot grondveiling op 26 Februarie 2026, waar ongeveer 50 eiendomme, insluitend residensiële, kommersiële, industriële en gemengde gebruik – onder die hamer sal kom.
Hierdie eiendomme dek saam ongeveer 282 000 vierkante meter grond in gebiede soos Mitchells Plain, Atlantis, Parow en Goodwood. Volgens die stad se amptelike aankondiging, is die doel om private-sektor belegging aan te moedig en dienslewering te verbeter, met die hoop dat dit ekonomiese groei sal stimuleer. Die veiling word deur die Claremart Group hanteer en sluit historiese eiendomme soos die Good Hope Centre in.
Maar hierdie plan het ‘n storm van kritiek ontlok, veral van swart en kleurling gemeenskappe wat vrees dat dit hulle entrepreneurs en boere sal benadeel. Kritici argumenteer dat waardevolle grond eerder aan plaaslike, histories benadeelde groepe toegeken behoort te word, eerder as om aan welvarende beleggers verkoop te word. ‘n Bekommerde burger, Riaan Hendricks, het in ‘n oop brief gewaarsku dat die veiling die Demokratiese Alliansie (DA) se prioriteite bevraagteken: “Hoekom word waardevolle grond aan private ondernemings verkoop, terwyl plaaslike gemeenskappe in gebiede soos Sir Lowry’s Pass Village dit dringend nodig het?” Hy roep op vir protesaksies en meer inklusiewe grondtoewysing om swart en kleurling besigheids eienaars te bemagtig.
Op sosiale media platforms soos X (voorheen Twitter) woed besprekings oor of hierdie veiling die volgende politieke struikelblok vir die DA sal wees. ‘n Pos van EFF-ondersteuner @zizipho50 het viraal gegaan, met meer as 17 000 kyke, waar sy skryf: “Stad Kaapstad gaan grond veiling 🥹🥹
Krete van ons mense in die kommentaar afdeling. As hierdie krete net in stemme omgeskakel kon word… Dieselfde mense wat huil sal nog vir DA stem!!” Sy verbind dit met die EFF se grondbeleid, wat grondherverdeling sonder vergoeding voorstel.
Ander gebruikers, soos @MxolisiBob, vergelyk dit met historiese grondverplasing in plekke soos Sophiatown en Kaapse gebiede soos Khayelitsha en Gugulethu, en beskuldig die stad van voortgesette ongelykhede.
Kritici soos @haterofeverrace blameer die DA vir die prioritisering van wit en buitelandse beleggers, en sê: “DA bestuur Kaapstad en al die eiendomme word aan wit buitelanders verkoop. Dit is nie swart mense se skuld nie, want dit is kleurlinge en wittes wat vir daardie party stem.”
Hierdie sentimente weerspieël breër besorgdhede oor hoë eiendomspryse wat 90% van Kaapstad se bevolking uit die behuisingsmark prys, soos genoem deur voormalige parlementslid Phumzile Van Damme. Sommige sien dit as ‘n voortsetting van apartheid-agtige beleide, met pos van @sentle1603 wat waarsku:
“Apartheid keer stadig terug, hierdie wet is ‘n gewysigde weergawe van die Groepsgebiede Wet. Hulle dryf swart mense uit die stad, indirek”
Aan die ander kant verdedig die stad die veiling as ‘n manier om ongebruikte grond produktief te maak en inkomste te genereer vir openbare dienste.
Die EFF het ook die stad gekritiseer vir soortgelyke besluite, soos die herroetering van die Minstrel Karnaval, wat hulle as kommersiële uitbuiting van erfenis beskou. Oppositionele partye en gemeenskapsorganisasies word opgeroep om aksie te neem, insluitend moontlike protesse, om te verseker dat grondtoegang regverdig is vir almal.
Terwyl die stad volhou dat die veiling inklusiewe groei sal bevorder, dui die groeiende besprekings aan dat dit inderdaad armes kan benadeel deur grond aan die hoogste bieër te verkoop, eerder as om dit vir gemeenskaps ontwikkeling te gebruik.
Burgers soos Hendricks dring aan op dringende ingryping:
“Nou is die tyd om te mobiliseer en ‘n verskuiwing na meer inklusiewe grondbeleid te eis” Die uitkoms van hierdie veiling kon die DA se greep op die Wes-Kaap toets, veral met besorgdhede oor ras ongelykhede in grondhervorming.
