Verslaggewer – Isaac Cloete
SPRINGBOK:- Die sogenaamde “bybelklas onnie” van Vioolsdrift was Vrydag in die streekshof op Springbok gevonnis.
Op 5 Junie 2026 het die Springbok-streekhof ‘n baanbrekers-uitspraak gelewer teen ‘n 45-jarige vrou, (naaam bekend) Sy was skuldig bevind aan 33 aanklagte van seksuele oortredings waarby kinders tussen 7 en 12 jaar oud in Vioolsdrift betrokke was.
Hierdie misdade is tussen Januarie 2022 en November 2023 gepleeg en het gedwonge verkragting, poging tot verkragting, seksuele uitbuiting, seksuele voorbereiding, die dwang van kinders om seksuele oortredings met andere te aanskou en die blootstelling van geslagsorgane aan kinders,. jngesluit het. Sy het aanvanklik tereggestaan op 18 aanklagte, maar die staatsaanklaer het die vermeerder na 33.
Die staat het beweer dat die beskuldigde, oorspronklik van Okiep, saam met haar man in Vioolsdrift gewoon het. Sy het die kinders vir bybellesse en geestelike leiding na haar huis genooi, Dit is waar die seksuele aanrandings in die hok, agter in haar erf sou plaasvind. Die ouers het hul kinders toegelaat om die vrou te besoek, aangesien hulle onder die indruk was dat hul kinders bybellesse sou ontvang.
Sy het kinders met geld, lekkers en uitstappies gelok, hulle toe tot seksuele dade gemanipuleer, hulle aan onbehoorlike seksuele aksies onderwerp en hulle vir uitbuiting voorberei.
Sommige van die kinders het die voorvalle eers by die skoolhoof, Theo Alister, aangemeld. Die onderwyser het toe ‘n maatskaplike werker ingebring en na konsultasies met die kinders was die polisie in kennis gestel. Sy het skuldig gepleit op die verskeie aanklagtes en erken dat haar gedrag onwettig en strafbaar was.
Ingevolge Artikel 280 van die strafproseswet sal hierdie vonnisse gelyktydig uitgedien word, wat ‘n effektiewe gevangenisstraf van 25 jaar tot gevolg het. Bykomende beskermingsbevele is uitgereik, wat behels dat die beskuldigde se naam in die Nasionale Register vir Seksuele Misdrywe aangeteken gaan word.
Sy is verder ongeskik verklaar om met kinders te werk kragtens die Wet op Kinderversorging en ongeskik verklaar om ‘n vuurwapen te besit kragtens die Wet op Vuurwapenbeheer.
Alister het die vonnis verwelkom en verlig gesê:
“Ek hoop dit maak gemeenskappe (veral kinders) vry om sulke voorvalle aan te meld ,sou hulle ook blootgestel word aan sulke booshede. “Ek maan ook opvoeders om leerders se vertroue te wen, sodat daar n safe place vir hierdie kinders is by wie hulle kan gaan praat.”
Hy was egter baie teleurgestel in ouers wie se kinders ook blootgestel was aan die dade, maar hom eerder kwaai kruisig het.
Die ondersoek was gelei deur speurder-adjudant-offisier Ayanda Philips van die Springbok-eenheid vir Gesinsgeweld, Kinderbeskerming en Seksuele Misdrywe. Die staatsaanklaer was Basil “The Jaguar” Kock.
Foto – Jo Ann Klaase (45j) – Bybelklas Onnie
