Terwyl die President in die Buiteland is?
CCN Verslaggewing.
Weskus:- Hoe ernstig is die korrupsie regtig in ons polisie?
En waarom is daar nou soveel stilte van ons regering se kant af?
Die nasionale polisiehoof in KwaZulu-Natal, luitenant-generaal Nhlanhla Mkhwanazi, het skokkende onthullings gemaak wat duidelik aandui: iets is baie verkeerd binne die SAPD.
Hy het bevestig dat 121 moordsake, verbonde aan politieke moorde, van die spesiale taakspan weggeneem is, net voordat die eenheid ontbind is. Hierdie taakspan het sedert 2018 meer as 100 skuldigbevindinge behaal. Hoekom ontbind mens so ’n suksesvolle span?
Volgens Mkhwanazi, Is wapens wat verbind word met bekende moorde in Gauteng (insluitend kunstenaars) in polisie se besit, maar niks is daarmee gedoen nie.
– Is senior polisiebeamptes betrokke by korrupsie.
– Het Minister van Polisie, Senzo Mchunu, glo kontak gehou met verdagtes in kriminele ondersoeke.
– Maar Waar is Ons President?
President Cyril Ramaphosa is tans buite die land op ’n staatsbesoek. Maar, leierskap vat nie vakansie wanneer jou mense onseker en onveilig voel nie.
Die publiek wag op antwoorde – en niemand in die regering het nog gereageer op hierdie ernstige bewerings nie.
– Vrae aan die President
1. Waarom is die taakspan ontbind voor die 2026-verkiesings?
2. Ondersteun u generaal Mkhwanazi – of word hy stilgemaak?
3. Hoekom is daar geen ondersoek na die minister se beweerde kommunikasie met misdaad verdagtes nie?
4. Wat gebeur met die wapens in polisie-besit wat verbind word met bekende moorde?
5. Sal u ‘n onafhanklike kommissie aanstel om politieke inmenging in die polisie te ondersoek?
Suid – Afrikaners soek antwoorde
Ons het eerlike leiers en beamptes nodig wat die waarheid dien. Die mense van dié land het die reg om te weet wie hulle beskerm, en wie hulle verraai.
