Malmesbury:- Die lede van die Suid-Afrikaanse Polisiediens (SAPD) in Malmesbury toon onwrikbare toewyding in die stryd om onwettige vuurwapens van die strate te verwyder en geweld te bekamp.
Op Woensdag, 7 Januarie 2026, het lede van die Misdaad voorkomingseenheid op inligting gereageer oor ‘n persoon, in besit van ‘n ongelisensieerde vuurwapen by ‘n adres in Thabong-straat, Ilingelethu. Hulle het ‘n deeglike deursoeking gedoen en die vuurwapen onder ‘n matras in die hoofslaapkamer van die huis gevind. Tydens ondervraging van die bewoners het dit aan die lig gekom dat die eienaar van die vuurwapen, twee jaar gelede oorlede is. ‘N 49-jarige man is in hegtenis geneem en sal vandag sy eerste verskyning in die Malmesbury Landdroshof gemaak het.
In ‘n aparte insident het die polisie se volgehoue inspanninge gelei tot die inhegtenisneming van ‘n verdagte in verband met ‘n skietery. Op Maandag, 5 Januarie, omstreeks 18:45, het lede op ‘n klagte in Chartsworth gereageer waar twee persone geskiet was. Een van die slagoffers het op die toneel beswyk, en die polisie is ingelig dat die verdagte te voet gevlug het. Die lede het dag en nag gewerk en na die verdagte gesoek. Op Woensdag, 7 Januarie 2026, in die vroeë oggendure, het hulle die 22-jarige man uit sy wegsteekplek in Elsies River gehaal. Hy het verder aan die polisie gewys waar hy die vuurwapen weggesteek het.
Die verdagte sou ook vandag, in die Malmesbury Landdroshof verskyn.
Hierdie suksesvolle operasies onderstreep die Malmesbury-polisie se verbintenis tot die veiligheid van die gemeenskap en die verwydering van gevaarlike wapens uit sirkulasie.
(Bron: SAPD-mediaverklaring)
