“Geweld Sal Nie Geduld Word Nie”
CCN Verslaggewer – George April
President Cyril Ramaphosa het ‘n sterk waarskuwing uitgereik voor die beplande nasionale afsluiting op Dinsdag, 30 Junie, en beklemtoon dat geweld, is intimidasie en wetteloosheid nie geduld sal word nie.
In sy weeklikse boodskap aan die nasie het Ramaphosa gesê die Grondwet beskerm elke Suid-Afrikaner se reg om vreedsaam te betoog, maar niemand het die reg om die wet in eie hande te neem of ander mense te intimideer nie.
Die regering het bevestig dat Dinsdag ‘n normale werksdag sal wees. Besighede, skole en staatsdienste sal na verwagting normaal funksioneer, terwyl wetstoepassingsagentskappe landswyd op hoë gereedheidsgrondslag geplaas is om enige onrus of ontwrigting te voorkom.
Owerhede het verder gewaarsku dat enige persoon wat by geweld, plundering, haatspraak, aanhitsing of die verspreiding van vals inligting op sosiale media betrokke is, strafregtelik vervolg kan word.
Die beplande afsluiting word verbind met betogings waarin strenger optrede teen ongedokumenteerde immigrasie geëis word.
Die regering hou egter vol dat immigrasiebeheer die verantwoordelikheid van die staat is en doen ‘n beroep op inwoners om kalm te bly en die polisie toe te laat om hul werk te doen.
Die publiek word aangemoedig om slegs amptelike inligtingskanale te vertrou en enige misdadige optrede by die SAPD aan te meld.
