“Geen borgtog, geen borgtog nie. Justice vir Farren, Justice vir Farren” – was aanhoudend voor die hof geskree deur hofgangers
Verslaggewer – Isaac Cloete
GARIES:- Donderdag was dit binne- en buitekant die Garies-hofgebou pikswart, waartydens ’n polisieman se borgtog aangehoor is. 
Hiervoor het honderde mense, gekleë in swart en met plakkate, hulle ondersteuning aan die oorledene se familie gaan betoon.
Quinton Cloete (28) staan tereg op die dood van sy meisie, Farren Maarman (27). Dit nadat hy vermoedelik aspris Sondagoggend, in die vroeë oggendure laat oor haar gery en sy gesterf het. Die voorval het sowat n paar 100m van Mooi Uitsig, die woonbuurt naby Garies gebeur.
Bronne het vertel dat die paartjie van n drink- en skinkplek, in Garies, bekend as L&L, gekom het. Blykbaar het Maarman vir Cloete gekonfronteer oor n ander meisie met wie glo ook hy deurmekaar was. Na n hewige konfrontasie, het die vonke gespat en het uit Cloete se voertuig geklim.
Hierna het hy oor haar gery.
Die honderde emosionele en omgekrapte inwoners in swart het reeds vroeg vanaf Mooi Uitsig, ’n woonbuurt in Garies, na die hofgebou hier opgeruk.In die knap hofsaal was eers net familielede en nabye vriende toegelaat. Hierna kon ander belanghebbendes deur verby die vele polisielede beur vir n staanplekkie. Verrigtinge het laat begin, terwyl ongeduldig hofgangers laat gewag het. Toe Cloete die hofsaal binne gelei word deur van sy kollegas, was daar n ligte beroering en versugting. Daarenteen het die groot skare buitekant ondermekaar gemor met “aanvoelbare” afwagting.
Hulle was later rassend toe Cloete na n lang breek en sowat n uur later, weer uit die hof vergesel was. n Vroue-regte aktivis vir Yolanda du Toit, van Matzikama Broken Angels Network, was briesend oor Cloete se voorkeur behandeling.
“Ek het nog nooit in my jare as aktivis, dit by n hof ondervind, wat ek Donderdag by die Garieshof gesien het.” ” “N verdagte in n moordsaak mag mos nie vrylik in die hofjaart by sy kollegas staan en lag en rook nie.”
“Dit het gevoel asof die misdaad waarvan hy beskuldig word nie so ernstig vir hulle is nie.”
Volgens Du Toit, het Cloete ook vrylik met sy familie gemeng en “luxuries” ontvang. Sy het ten slotte genoem dat Cloete se familie in die skade onder ’n afdak voor die hof gesit het.
Daarenteen moes Farren se ma, Wendy Links, met ’n sambreel in die son voor die hof sit.Aiden Links, Maarman se neef, was tevrede met die opkoms en ondersteuning sover. Hy het die petisielyste georganiseer.
Teen druktyd was daar al meer as 2000 geskrewe en aanlyn handtekeninge teen borgtog volgens hom.Mense kan steeds die aanlyn petisie voltooi en pos, volgens Links.
Cloete se saak was uitgestel tot Donderdag, 22 Oktober.
Die beskuldigde staan tereg op moord en dronkbestuur en is in aanhouding tot dan.
Foto’s Verskaf.
