Ondanks Intense Pogings
CCN Nuus
Franschhoek:- Die veldbrand in die berge bo Franschhoek brand steeds buite beheer, ondanks die ononderbroke inspanning van brandbestryders deur die nag.
Die Kaapse Wynlande Distriksmunisipaliteit (KWDM) se Branddienste, in samewerking met CapeNature en die Wynlande Brandbeskermingsvereniging (FPA), het Dinsdagoggend bevestig dat sterk winde die brand opgedryf het in die Assegaaibos-gebied. Die vlamme het die Bergrivier oorgespring en nuwe brandpunte op die berg aan die oorkant aangesteek.
As gevolg van die steil en ruwe terrein en digte fynbos, is grondspanne se toegang beperk. Die fokus het dus verskuif na die beskerming van eiendom op plase in die gebied. Sommige inwoners het uit voorzorg hul huise ontruim. Enige verdere voorsorgmaatreëls sal direk aan bewoners gekommunikeer word.
Die vennootagentskappe vergader vanoggend om nuwe strategieë en die ontplooiing van ekstra hulpbronne te bespreek. Inwoners word gewaarsku oor swaar rook as gevolg van waterbombardement en ander onderdrukkingsaktiwiteite. Hou vensters en deure toe, veral as jy sensitief is vir rook.
Brandspanne van KWDM se Stellenbosch-, Worcester- en Paarl-stasies bly op die toneel, ondersteun deur CapeNature se Working on Fire-spanne en die Volunteer Wildfire Services.
Die KWDM het ook kleiner brande in die Wellington-gebied hanteer en bestuur tans ’n brand in die Gouda-gebied.
