Ondanks Weermag Teenwoordigheid
Verslaggewer – George April
Kaapstad:- Sewe mense is gisteraand (Woensdag 8 Julie 2026) in twee afsonderlike skietvoorvalle op die Kaapse Vlakte doodgeskiet, terwyl vyf ander beseer is.
Die voorvalle het binne minder as ‘n halfuur plaasgevind.
In die eerste voorval in Tafelsig, Mitchells Plain, het gewapende verdagtes kort na 20:00 op vyf mans buite ‘n spaza shop in Laure Street en 8th Avenue, Lost City, losgebrand. Drie slagoffers, onderskeidelik 18, 19 en 51 jaar oud, is op die toneel dood verklaar. Twee ander (17 en 22) is in die hospitaal opgeneem.
Kort daarna, omstreeks 20:30, is sewe mense in Philippi East (Marcus Garvey-gebied) geskiet. Vier jong slagoffers tussen 17 en 20 jaar oud het gesterf, terwyl drie ander beseer is.
Polisie ondersoek beide voorvalle as moorde en die motief is nog onbekend en geen arrestasies is nog gemaak nie.
Polisie soek inligting
Kol. André Traut, woordvoerder van die Wes-Kaapse polisie, het bevestig dat ernstige geweldsmisdaad-speurders die sake lei. Hy doen ‘n beroep op enigiemand met inligting om Crime Stop te skakel by 08600 10111 of die MySAPS-app anoniem te gebruik.
Polisie het ontplooiings in die betrokke areas verhoog om verdere geweld te voorkom en sigbare teenwoordigheid te verseker.
Konteks: Operasie Prosper
Die voorvalle kom te midde van die aanhoudende ontplooiing van die Suid-Afrikaanse Nasionale Weermag (SANDF) onder Operasie Prosper. Die weermag steun die polisie sedert vroeër vanjaar met sigbare patrollies en operasies teen bendegeweld op die Kaapse Vlakte. Ten spyte hiervan duur die geweld voort, en baie inwoners vra of die ontplooiing genoeg verskil maak om die bende probleem te bekamp.
Weskaapse polisiebestuur het die voorvalle sterk veroordeel en belowe om die skuldiges voor die gereg te bring.
Enigiemand met inligting word dringend versoek om polisie te kontak en alle inligting sal vertroulik hanteer word.