MOENIE JY VERLEI WORD NIE
Daar gaan tans ’n boodskap op sosiale media rond dat sekere partye, die Nasionale Kleurling Kongres, die Patriotic Alliance, GOOD en Al Jama-ah, teen die stryd teen misdaad sou wees.
Hierdie siening is nie waar nie, lees die post van Lyle Liam Lawrence
Die DA probeer die indruk skep dat die verwerping van ’n mosie, beteken dat ander partye nie omgee oor veiligheid nie.
Maar die feite wys ’n ander prentjie.
Die Stad Kaapstad het reeds ’n veiligheids- en sekuriteitsbegroting van meer as R6.7 miljard.
Hulle bestuur Metro Polisie, LEAP-offisiere, Verkeersdienste, Wetstoepassing, CCTV-stelsels en verskeie spesiale eenhede.
As hierdie strukture regtig ’n verskil gemaak het, sou ons gemeenskappe dit gevoel het.
Die werklikheid?
Bendegeweld is erger as ooit. Hanover Park, Manenberg, Bonteheuwel en Delft leef steeds onder beleg. Kinders word nog op straat geskiet.
R86 miljoen is aan kameras bestee, maar mense vra elke keer na ’n misdaad: “Waar is die bewyse?” Baie kameras werk nie, is swak geplaas, of niemand monitor dit nie.
Selfs in plekke soos Tygerberg Hospitaal kon personeel nie beskerm word teen gewapende rowers nie.
LEAP-offisiere word dikwels voorgehou as ’n sukses, maar die Stad se eie dokumente wys dat dit nie bendegeweld verminder, of mense se veiligheid verbeter het nie.
Hulle word soms swak opgelei en vermy die gevaarlikste gebiede.
Intussen sien gemeenskappe hoe Wetstoepassing eerder gebruik word om haweloses uit te sit, straathandelaars te teiken en betogings uiteen te jaag. In plaas daarvan om bendes en gewelddadige misdadigers aan te pak.
En nou word mense gevra om te glo dat nóg magte die oplossing gaan wees? Die waarheid is: die Stad het reeds die geld, die mensekrag en die strukture. Wat ontbreek, is die resultate.
Die partye wat teen die mosie gestem het, het dit gedoen omdat dit onverantwoordelik sou wees om nóg magte toe te vertrou aan ’n stelsel wat nie eens sy huidige gereedskap effektief gebruik nie.
Moenie mislei word nie, hierdie mosie was nie oor geregtigheid nie – dit was ’n politieke skuif.
Kaapse gemeenskappe verdien werklike beskerming, nie PR-stunts en beeldbestuur nie. Die fokus moet wees op regte oplossings en samewerking om bendegeweld en misdaad te beveg, nie om skuld weg te skuif nie.
Ward 65-takvoorsitter
Lyle Liam Lawrence
