#SaferCommunities
Verslaggewer – Felicity Jooste
Lottery:- Voortgesette optrede teen bendegeweld in die Wes-Kaap het Vrydagaand, 07 November 2025, gelei tot die inhegtenisneming van ’n verdagte vir die onwettige besit van ’n vuurwapen en ammunisie.
Lede van die #AntiGangUnit was besig met patrollies in Ottery se Marble Flats toe hulle ’n man in Woodgate Court sien wat begin hardloop het toe hy die polisie raaksien. Die lede het die verdagte te voet agternagesit en hom vasgetrek. By deursoeking is ’n 9mm-pistool en 28 patrone in sy besit gevind. Die 24-jarige man is in hegtenis geneem.
Dieselfde span het ook ’n 27-jarige man gearresteer vir die onwettige besit van ammunisie tydens ’n soektog by ’n woning in Ottery, waar vyf patrone gevind is.
Beide verdagtes sal Maandag, 10 November 2025, in die Wynberg-landdroshof verskyn op die onderskeie aanklagte.
_ CCN (Cape Coast News) wil die lede van die SAPD se Anti-Bende-eenheid gelukwens met hul vasberadenheid en vinnige optrede. Julle werk onophoudelik om wapens van ons strate te hou en gemeenskappe veiliger te maak.
_ CCN moedig alle inwoners aan om enige verdagte gedrag of aktiwiteit onmiddellik aan die polisie te rapporteer. Jou inligting kan help om misdaad te voorkom of ’n gevaarlike verdagte agter tralies te sit.
_ Volg CCN (Cape Coast News) vir die jongste misdaadstories, arrestasies en veiligheids opdaterings regoor die Wes-Kaap.
Saam bou ons aan ’n veiliger toekoms.
#CCN. #WesternCape. #SAPD #AntiGangUnit. #CommunitySafety #ReportSuspiciousActivity
