Oor die #SafeFestiveSeason Operasies
CCN Verslaggewer – George April
Wes-Kaapse polisie het oor twee dae verskeie verdagtes in hegtenis geneem vir die besit van onwettige vuurwapens en ammunisie tydens #SaferFestiveSeason – operasies regoor die provinsie.
Die operasies het gefokus op hoë-sigbaarheidspolisiëring in geïdentifiseerde brandpunte en het stop-en-deursoek-aksies, die soektog na onwettige vuurwapens, die sluiting van onwettige shebeens en die bekamping van dwelmhandel ingesluit.
Op Vrydag 26 Desember 2025 omstreeks 07:05 het Mitchells Plain-polisiemanne ’n verdagte opgespoor ná inligting oor ’n skietvoorval in Daphne Straat, Eastridge. Die verdagte het glo ’n vuurwapen afgevuur en dit op sy meisie gerig. Geen beserings is aangemeld nie.
Die 49-jarige man is later in Jukskei Straat, Beacon Valley in hegtenis geneem. ’n 9mm Glock met ’n verwyderde reeksnommer en nege rondtes ammunisie is gevind. Hy is aangekla van die besit van ’n verbode vuurwapen en onwettige ammunisie.
In Belhar is ’n 47-jarige man in Tafelberg Straat gearresteer nadat polisie ’n 9mm Star-pistool en ses rondtes ammunisie tydens sigbare polisiëring gevind het.
In ’n afsonderlike voorval het ’n 36-jarige man vroeg die oggend van 26 Desember in Rotterdam Straat, Avondale, Atlantis, aan skietwonde gesterf. ’n 9mm vuurwapen sonder ’n reeksnommer en sewe rondtes ammunisie is by hom gevind. Die verdagte is nog onbekend en die ondersoek duur voort.
Op Donderdag 25 Desember het die Malmesbury Misdaad voorkomings eenheid gereageer op ’n skietvoorval in Kalbaskraal. ’N 17-jarige is in hegtenis geneem nadat hy onder ’n bed versteek gevind is met ’n tuisgemaakte vuurwapen en ammunisie. Hy het ook borgvoorwaardes oortree.
Dieselfde aand is ’n soek lasbrief uitgevoer by ’n perseel in Mossiestraat, Wellington, waar ’n volwasse man gearresteer is vir die onwettige besit van ’n .38 Special-rewolwer sonder ’n reeksnommer, asook ammunisie.
Al die verdagtes sal na verwagting op Maandag 29 Desember 2025 in die Atlantis-, Malmesbury-, Wellington- en Bellville-landdroshowe verskyn.
#Guns Off The Streets