Montagu se onlangse vloede herinner ons aan die risiko’s
CCN Verslaggewer – George C April
Erge donderstorms met swaar reën, hael en wind word voorspel, wat plaaslike vloede en ontwrigting kan veroorsaak, terwyl die Langeberg nog herstel van Februarie se vroeë reënskade.
Foto: “Oorstroomde areas in Montagu na die vroeë Februarie reëns, die R62-brug en paaie was gesluit”
Die Wes-Kaap se somerweer het skielik ‘n donker kant begin wys. V anaand donder dit hard oor die Swartland en omliggende areas, met swaar reën, sterk windstote en moontlike hael. Presies soos die Suid-Afrikaanse Weerdiens (SAWS) se Geel vlak 2-waarskuwing voorspel het vir die Wes-Kaap en Namaqua.
Die storms het Sondagmiddag begin ontwikkel oor die binneland, en word erger oor die oostelike dele van die Kaapse Wynlande en Sentraal-Karoo. Dit beweeg nou na die Winelands en selfs Kaapstad oor die nag en môreoggend. Plaaslike vloede op vatbare paaie en lae areas, groot hoeveelhede klein hael, skade aan infrastruktuur, eiendom en voertuie, landbou verliese, klein ongelukke as gevolg van swak sig, en selfs weerlig wat veldbrande kan aansteek, dis al die impakte wat SAWS uitgelig het.
Bly binnenshuis, vermy lae areas, en moenie deur staande water ry nie, dis die boodskap van die owerhede.
Dit kom kort ná die onlangse swaar reën in die Montagu-omgewing (Langeberg munisipaliteit). Begin Februarie (rondom 3-5 Feb) het vloede die Keisie-rivier laat oorloop, die R62-brug in Montagu gesluit, lae-water brûe ontoeganklik gemaak, en selfs die Montagu Bergreservaat se pad en staproetes beskadig. Motoriste moes omleun via Van Riebeeck-pad, en daar was berigte van padsluitings in die hele Langeberg-area. Die storms was deel van ‘n breër patroon van swaar somerreën, met SAWS wat toe ook waarskuwings vir erge donderstorms uitgereik het.
Al is ons nog maande weg van die winterseisoen, wys hierdie intense hitte gevolg deur skielike storms hoe klimaatverandering die weer meer ekstrem maak. Van hittegolwe tot vinnige vloede. In die wyn- en boerderygebiede soos die Winelands en Karoo kan dit oeste en vee raak, terwyl stedelike areas soos Malmesbury en Kaapstad met dreinerings probleme kan sukkel.
SAWS het ook ‘n hoër Geel vlak 4-waarskuwing vir areas soos Overberg en Langeberg uitgereik, met verwagting van selfs erger storms. Bly op hoogte via www.weathersa.co.za of volg @SAWeatherService.
Veiligheid kom eerste:
Bly binne tydens donderweer, laai fone op, en hou noodnommers byderhand. CCN sal opdate as daar nuwe skade of impakte kom. Bly droog en veilig daar buite!
