Sake Uitgestel weens Politieke Inmenging
Berig: – George C. April
VREDENDAL:- Die hofsaak teen adjunk burgemeester Amelia Job, gebring deur munisipale werker en GBV-slagoffer Jackeline Hector, is op Woensdag 30 April in die Vredendal-landdroshof uitgestel tot Dinsdag 6 Mei 2025.
GBV-slagoffer Jackeline Hector
Dit nadat Job, Demokratiese Alliansie (DA) raadslid nie Woensdag opgedaag het by die hof nie. ’N Brief van die munisipale bestuurder, Lionel Phillips, is voorgelees waarin beweer word dat Job nie hof toe kon kom nie, weens ’n raadsvergadering. Wat in die hof bevraagteken was, is dat die betrokke raadsvergadering eers om 14:00 sou begin, terwyl die hof 9vm begin.
Die magistraat het in die hof gesê, dat Phillips skriftelik ingelig sal word, waarom hy namens ’n raadslid skrywe, terwyl hy nie haar werkgewer is nie, maar dié van die klaer. Hy sal ook moet verduidelik waarom hy nooit gereageer het op briewe van Hector nie, waarin sy kla oor aanhoudende viktimisering deur die raadslid en onder – burgermeester.
Tot die gemeenskap se ontsteltenis, het die ander DA-raadslid Divine Cloete, wat self ‘n sogenaamde GBV-aktivis en stigter van ’n vroueregte-organisasie is, haar geskaar by Job. Diè vrou wat vir vroueregte veg, het blykbaar hof toe gegaan om die beskermingsbevel van Hector teen Job te staan. Dit plaas ’n skadu oor haar openbare beeld as kampvegters vir vroueregte.
CCN het reeds in April twee geskrewe mediavrae gestuur aan beide die burgemeester en die munisipale bestuurder van die Matzikama Munisipaliteit, maar geen antwoord is ontvang nie. Dié swye laat vrae ontstaan oor deursigtigheid, aanspreeklikheid en ondersteuning aan slagoffers van geslagsgebaseerde geweld binne die munisipaliteit.
Verder het CCN betroubaar verneem dat Job reeds aan die hofklerk laat weet het dat sy weer nie Dinsdag sal opdaag nie, sodat daar weer ‘n uitstel sal geskied. Gorden is ook die stigter van ‘n GBV organisasie wat vir vroue regte veg, nl. Sisters Empowerment Movement.
Die vraag op almal se lippe – Wie beskerm die slagoffers wanneer die stelsel hulle in die steek laat, en hul mede-raadslede aan die kant van die oortreder staan?
