Maar waar is die regte gemeenskapsontwikkeling?
Berig – George April
HOPEFIED:- In ‘n tyd waar gemeenskappe sukkel om sportontwikkeling vir kinders en jongmense te finansier, het twee groot skenkings onlangs koppe laat draai.
- Die Minister van Sport, Gayton McKenzie, het R1 000 000 aan die Saldanhabaai Rugbyklub geskenk vir hul Paasfees Rugby Toernooi.
- Die maatskappy Amoya, gevestig in Hopefield, het blykbaar R300 000 aan dieselfde klub geskenk.
Maar die vraag op almal se lippe, waar is die breër gemeenskap se betrokkenheid?
Geen ander rugbyklub aan die Weskus, buiten die gasheerspan, het aan die toernooi deelgeneem nie.
Hopefield se kinders – afgeskeep
Op Hopefield poog die gemeenskapsorganisasie West Coast Sports Solutions (WCSS) al vir meer as drie jaar om ondersteuning van Amoya te kry vir kindersportontwikkeling, spesifiek om ‘n veilige swembad op te rig.
Maar steeds geen ondersteuning nie.
In Junie 2023 het Johanna Stoffels, ‘n direkteur van Amoya, openlik by ‘n gemeenskapsgeleentheid gesê:
“‘n Swembad is ‘n luukse, nie ‘n verpligting nie.“
Hierdie opmerking was gemaak tydens ‘n spesiale byeenkoms in die kerksaal waar jong atlete van Hopefield vereer is vir hul prestasies by ‘n SA Atletiekbyeenkoms. Ironies genoeg, was dit dieselfde jaar wat Amoya se bestuur in ‘n gemeenskapsvergadering gespog het dat hulle R14 miljoen aan gemeenskapsontwikkeling bestee het.
Daardie aand was baie teenwoordig verbaas oor sekere projekte wat genoem was, maar niemand het vrae gevra nie.
Die vrae wat niemand beantwoord nie
- Hoe kan ‘n swembad as ‘n “luukse” gesien word in ‘n dorpie waar kinders in vuil riviere swem?
- Waarom kry een rugbyklub miljoene, terwyl ander gemeenskappe afgeskeep word?
- Is sportontwikkeling net vir ‘n geselekteerde groep?
- Wie besluit waar fondse gaan, en hoe deursigtig is daardie proses?
- Is gemeenskapsvergaderings werklik vir inspraak, of net formaliteite?
Jou mening in die saak!
Cape Coast News wil by jou, die publiek, hoor.
Vul ons “Contact Us” vorm in op die webwerf
Of stuur ‘n WhatsApp na 073 335 0987 met jou naam en mening.
Dis tyd dat ons almal ons stem laat hoor, vir die kinders van Hopefield, en vir regverdige sportontwikkeling op die Weskus.
