Verslaggewer – George April
KRAAIFONTEIN:- Die liggaam van ’n jongman is vanoggend (Maandag 7 Julie) in Scottsdene, Kraaifontein, gevind nadat hy vermoedelik met betonplate doodgekap is.
’n Verbyganger het die skokkende ontdekking omstreeks 07:00 in ’n stegie in Bonita Crescent, reg oorkant die U-Save-winkel, gemaak en onmiddellik die polisie in kennis gestel.
Volgens Adjudant-offisier Louise Strydom van die Kraaifontein-polisie is die slagoffer se ouderdom nog nie vasgestel nie.
“Die man het ernstige kopbeserings opgedoen wat deur ’n swaar betonstruktuur veroorsaak is,” sê sy. “Sy ma was op die toneel en was sigbaar emosioneel oor die tragiese voorval. ’n Groot skare het bymekaargekom, en die polisie moes streng skarebeheer toepas sodat die polisie-fotograaf die toneel kon dokumenteer.”
Die Kraaifontein-polisie het ’n moordsaak geopen en die ondersoek duur voort.
Enigiemand met inligting oor die voorval word versoek om die polisie te kontak.