CCN Nuus
KAAPSTAD:- Lede van Operasie Lockdown III was op 26 Desember 2025 in die Steenberg-polisiërings presink ontplooi, en besig met misdaad voorkomings patrollies. toe hulle inligting van ‘n betroubare bron ontvang het oor ‘n persoon wat dwelms in die gebied verkoop.
Om 21:30 het die lede die ontvangde inligting geoperasionaliseer en ‘n perseel in Kamolose-straat, Retreat, Steenberg deursoek, en ‘n 29-jarige man is gearresteer vir die onwettige handel in dwelms (mandrax, tik en heroïen).
Die hoeveelheid van die gekonfiskeerde items was 62 sakkies tik, 62 sakkies kokaïen, 24 mandrax-tablette, 16 halwe mandrax-tablette, sewe kwart-mandrax-tablette, een pakkie gepoeierde mandrax-tablette en R700-00 (kontant) wat vermoedelik die opbrengs van misdaad is. Die straatwaarde van die beslag gelê dwelms moet nog vasgestel word.
Op Saterdag 27 Desember 2025, om 21:45, is ‘n 28-jarige man gearresteer by ‘n perseel in Waltonweg, Steenberg op ‘n aanklag van handel in dwelms. Die verdagte is gevind in besit van 12 sakkies tik en R670.00 (kontant), wat moontlik die opbrengs van misdaad is.
Die verdagtes sal in die Wynberg Landdroshof verskyn sodra hulle op hul onderskeie aanklagte verwerk is.
