Verslaggewer – Isaac Cloete
SPRINGBOK: Leerders van Namakwa stik alweer hewig weens onbetaalde gelde vir hul opleiding.
Hulle is deel van n groep van sowat 275 wat in Februarie met die internskappe begin het. Die meeste van hulle het nog nie n sent ontvang nie nadat klasse reeds begin het.
Carly Cloete was baie vies en gefrustreerd:
“Ek is ‘n leerder by die internskapprogram van Ubuntu Strategic Development Project Ltd. (Ubuntu). “Dit word op Nababeep aangebied in samewerking met die dept van arbeid (Arbeid) op Springbok. “Ons het 23 Februarie kontrak geteken, maar nie eers afksrifte gekry nie, “Voordat ek dit voltooi het, het ek dus foto’s hiervan geneem.”
Carly vertel hulle was van meet af om die bos gelei. Hulle was byvoorbeeld belowe hulle sou hul stipends op die 20ste Maart ontvang het. Toe weer op 25 Maart en later sou hulle dit kamstig teen einde Maart ontvang het.
Die groep het hulle misnoë aan Arbeid oorgedra. Hierna was Arbeid op 15 April sowel as 16 April by die ontstoke jeugdiges. Arbeid het hulle toe meegedeel dat die oorbetalings alreeds aan Ubuntu gedoen was.
Volgens inligting bekom van bronne is daar slegs +-10 leerders uit die 120 leerders van Nababeep wat stipends ontvang het.
Carly spuug verder vuur:
“Ons klas se fasiliteerder het ook nie eens sy betaling ontvang nie. “Hy is van Upington en terug huis toe. “Wat moet ons nou doen, want ons weet nie of die klasse sal voortgaan nie.”
Shane Lee Ann Cloete het gesê:
“Ons het onse geld nodig, want ons het skulde en kinders waarna ons moet kyk. “Ons het die 23 Februarie begin, maar net sekere klasse was al betaal “Dit lyk hulle gaan ons nooit betaal nie.”
‘N woordvoerder van Arbeid het erken dat daar probleme, maar Horison na Ubuntu verwys. Luidens n verklaring, (21 April) erken Ubuntu die frustrasie en ongerief wat deur vertragings veroorsaak is en vra opreg om verskoning:
“Die 275 leerders wat nie hul Maart-stipendiums ontvang het nie, sal gedurende die tweede of derde week van Mei 2026 betaal word. Daarbenewens sal die April-stipendiums verwerk en aan alle leerders betaal word sodra betaling vir die April-faktuur van die Arbeid ontvang is.”
Die verklaring lui verder:
“Neem asseblief kennis dat stipendium-eise vandag ingedien word. Die nodige maatreëls is ingestel om betalingstydlyne vanaf April te verbeter.
Volgens die beleid moet leerders ‘n minimum van 20 dae bygewoon het om vir stipendiumbetalings te kwalifiseer.”
