Verslaggewer – George C April
Delft:- ‘N polisiebeampte is vroeër vandag buite ‘n polisiekantoor in Delft met ‘n byl aangeval.
Volgens berigte is die beampte skielik deur ‘n aanvaller genader en aangerand. ‘N kollega wat die aanval aanskou het, het skote gevuur om die aanval te stop.
Die verdagtes het daarna gevlug en hul voertuig agtergelaat.
Die polisie het onmiddellik ‘n jaagtog van stapel gestuur en drie verdagtes kort daarna in hegtenis geneem: twee mans (23 en 25) en ‘n 23-jarige vrou.
Intussen in die noordelike voorstede:
Die Dieprivier Crime Prevention Unit het Saterdag 6 Junie 2026 drie mans gearresteer vir die besit van verbode vuurwapens. Tydens ‘n voertuig kontrole saam met Metro-polisie by die hoek van Main- en Fairdaleweg is ‘n Toyota Hilux met drie insittendes voorgekeer.
By die deursoeking is twee 9mm-pistole sonder serienommers, ‘n namaak-vuurwapen en 22 patrone gevind. Die drie volwasse mans sal vandag, Maandag 8 Junie 2026 in die Wynberg Landdroshof verskyn.
Terselfdertyd moet ‘n 25-jarige vrou vandag in die Bishop Lavis Landdroshof verskyn. Sy is Vrydag 5 Junie by haar woning in End Road, Bishop Lavis, in hegtenis geneem tydens Operation Lockdown III. Polisie het 75 mandrax-tablette by die perseel gevind.
#GunsOffTheStreets #DrugsBust #Dieprivier #BishopLavis