CCN Verslaggewing.
Bredarsdorp:- Die Bredasdorp-gemeenskap is in skok ná die grusame moord op ‘n geliefde afgetrede onderwyser, mnr. Sammy Cloete, wie se liggaam Saterdag in sy woning in Jakarandalaan aangetref is.
Hy is vermoedelik met ’n skerp voorwerp doodgesteek en beroof.
Volgens polisiewoordvoerder, luitenant-generaal Malcolm Pojie, is twee verdagtes, onderskeidelik 16 en 18 jaar oud, binne ure ná die voorval in hegtenis geneem.
Die verdagtes is glo in die oorledene se voertuig opgemerk terwyl hulle rondgery het, waarna die polisie vinnig opgetree het en hulle in hegtenis geneem het.
Polisie ondersoek steeds die presiese omstandighede rondom die moord, maar daar is sterk vermoedens dat roof die motief agter die aanval kon wees.
Die voorval het ’n diep wond in die gemeenskap gelaat, waar mnr. Cloete as ’n mentor en steunpilaar vir baie bekend was.
