‘N Reaksie van ‘n Kleurlingleier op Rassistiese Uitsprake in gewilde Podsending
CCN Nuusredaksie
’n Onlangse episode van die gewilde podsending The Open Chat het ’n storm van kritiek ontketen nádat vier jong Swart deelnemers, skokkende en rassistiese stellings oor die Kleurling gemeenskappe gemaak het.
In die episode is daar onder meer beweer dat Kleurlinge “geestes probleme” het en betrokke is by “bloedskande,” uitlatings wat wreed, onwaar en diep ontmenslikend is. Hierdie uitsprake het regoor die land woede, pyn en teleurstelling ontlok, veral onder gemeenskapsleiers wat jare lank veg vir eenheid en respek tussen rasse.
Een van daardie leiers het nou sy stem laat hoor:
“As ‘n trotse Kleurlingman, as ‘n openbare verteenwoordiger in my gemeenskap, en as ‘n Suid-Afrikaner wat glo in versoening en gelykheid, is ek diep gegrief en ontstel oor wat gesê is. Hierdie tipe haatspraak hoort nie in enige demokrasie nie,” het hy gesê.
Hy steun die Demokratiese Alliansie (DA) se besluit om die saak by die Suid-Afrikaanse Menseregtekommissie aan te meld en dring aan op kriminele vervolging teen die betrokke individue.
“Hierdie is nie net ‘n aanval op Kleurlinge nie, maar ‘n aanval op die hart van ons reënboognasie.”
Gemeenskaps kommentaar en reaksies:
“Dis hoekom versoening in Suid-Afrika nie werk nie. Rassisme bly rassisme, maak nie saak wie dit uitspreek nie.”
– Melanie Booysen, Kaapstad
“Ek is ‘n jong Swartman en ek distansieer myself volkome van wat gesê is in daardie podcast. Dit verteenwoordig nie ons almal nie.” – Tebogo Mokoena, Pretoria
“Dankie aan die DA wat die saak vat. Dis tyd dat daar gevolge is vir mense wat ander se waardigheid vertrap.” – Chantel Williams, Port Elizabeth
– Redaksionele Nota
CCN moedig oop gesprek en wedersydse respek aan. Ons glo in aanspreeklikheid, geregtigheid en die beskerming van menswaardigheid, ongeag ras, geloof of agtergrond.
✍️ Indien jy ‘n mening wil deel, stuur ‘n e-pos na editor@ccnews.co.za of gebruik die hutsmerk #CCNReaksie op sosiale media.
Foto – Sosiale Media
