Berig – George April
Kaapstad:- Die Wes-Kaapse Hooggeregshof het verlede week ’n swaar vonnis opgelê in die omstrede Joshlín Smith-saak. 
Regter Erasmus het al drie beskuldigdes tot lewenslange tronkstraf gevonnis, met ’n bykomende tien jaar, ná hulle skuldig bevind is aan ontvoering en mensehandel.
Die datums 12 en 13 Augustus is nou gereserveer vir die aansoeke om verlof tot appèl. Alle beskuldigdes het reeds hofstukke ingedien om beide hul skuldigbevinding en vonnis aan te veg. Die Nasionale Vervolgingsgesag (NVG) het bevestig dat hulle die appèlaansoeke gaan teenstaan, en sê hulle het volle vertroue dat daar geen redelike kans op sukses bestaan nie.
Maar dis nie al nie.
In ’n verwante saak gaan Regter Erasmus op 13 Augustus uitspraak lewer oor die lot van Lourentia Lombaard – die voormalige beskuldigde wat later as staatsgetuie opgetree het.
– Albei verhore sal in die Wes-Kaapse Hooggeregshof in Kaapstad plaasvind.
– Wat egter die grootste verrassing veroorsaak, is bewerings dat twee van die drie veroordeeldes nou bereid is om te praat.
Die vraag is: Hoekom nou?
Hoekom nie tydens die oorspronklike verhoor nie?
Het iets verander, en indien wel, wát?
Vir baie mense in die gemeenskap bring hierdie nuwe wending net meer vrae as antwoorde, en die hoop bly dat die volle waarheid uiteindelik na vore sal kom.
