Berig – George April
Die Suid-Afrikaanse Polisiediens (SAPD) herinner ouers, versorgers en gemeenskappe aan hul plig om kinders teen mishandeling, verwaarlosing en uitbuiting te beskerm.
Volgens die wet is dit ’n kriminele oortreding indien kindermishandeling nie by die polisie of maatskaplike werkers aangemeld word nie. Ouers moet toesien dat hul kinders altyd veilig en onder die toesig van ’n betroubare persoon is.
Daar is géén wagtydperk wanneer ’n kind as vermis aangemeld word nie, dit moet onmiddellik by die polisie gerapporteer word.
’N inlangse voorval in die Wes-Kaap het die dringendheid hiervan bevestig: ’n 9-jarige meisie van Mitchells Plain is vroeg in September uit haar huis weggelok deur ’n bekende van die gesin. Sy is ure later deur die polisie gevind en veilig teruggebring na haar ouers. Die verdagte is in hegtenis geneem op aanklag van ontvoering en poging tot uitbuiting.
Die saak het groot ontsteltenis in die gemeenskap veroorsaak en SAPD sê dit beklemtoon waarom ouers en bure onmiddellik moet optree as ’n kind verdwyn of mishandeling vermoed word.
Belangrike nommers:
SAPS Crime Stop: 08600 10111
SAPS Noodlyn: 10111
Childline: 116
Caring Communities Protect Children – saam kan ons ons kinders veilig hou.
