MEDIA VRYSTELLING
BREDARSDORP:- Die Overberg Distriksmunisipaliteit betreur om te bevestig dat een van hul groot brandweerwaens van die Bredasdorp-brandweerstasie, vroeër gistermiddag in ’n voorval betrokke was.
Die trok het van ’n wal afgery, tydens ’n reaksie op die voortgaande velbrand in die omgewing.
Twee brandbestryders is beseer en na die plaaslike hospitaal geneem vir mediese behandeling. Die munisipaliteit vra dat die gemeenskap hulle in hul gedagtes hou terwyl hulle herstel.
Volgens owerhede is die brand reeds vir ’n paar dae aan die gang, en brandbestryders werk onverpoosd om dit onder beheer te bring. Die terrein en windtoestande het die bluswerk besonder uitdagend gemaak, maar spanne bly vasbeslote om die vuur volledig te blus.
_ Die Overberg Distriksmunisipaliteit spreek hul opregte waardering uit teenoor alle brandbestryders, vrywilligers en vennote vir hul onwrikbare toewyding en spanwerk onder moeilike omstandighede.
Uitgereik deur:
R. Bosman
Munisipale Bestuurder
Overberg Distriksmunisipaliteit
#Bredasdorp. #Veldbrand
