15 Skoolkinders Gewond
PAARL:- Maandagoggend, 17 November, het ’n minibustaxi wat 15 leerders na New Orleans Sekondêr vervoer het, op Sonstraalweg naby die ingang van Nederburg Wynlandgoed omgeslaan.
Drakenstein Munisipaliteit se Openbare Veiligheidsdepartement het vinnig op die toneel gereageer.
Volgens voorlopige inligting het twee leerders ernstige beserings opgedoen, terwyl ses ander lig beseer is. Die bestuurder en nog ses leerders het ongedeerd voorgekom, maar is almal na die hospitaal vervoer deur die Wes-Kaapse Nooddiens (EMS) en privaat ambulansdienste vir verdere mediese ondersoeke.
Die wrak van die taxi is reeds verwyder en die pad is weer oop vir verkeer.
Die owerhede het hul meegevoel uitgespreek met die beseerde leerders, hul families, en almal wat deur die voorval geraak word.
#DrakensteinMunicipality #CityOfExcellence #RoadSafety