Parlement Skors NCC-LP vir 20 Sittingsdae Ná Privaatheidskending
CCN Nuus
Kaapstad: – In ‘n dramatiese wending wat die spanning tussen opposisiepartye in die Suid-Afrikaanse Parlement verder opdryf, is Fadiel Adams, parlementslid vir die National Coloured Congress (NCC), vir die tweede keer in 2025 deur die wetgewende liggaam berispe. 
Hierdie keer kom die skorsing ná hy persoonlike inligting van ‘n stafmedewerker van die Demokratiese Alliansie, (DA) sonder toestemming op sosiale media gepos het.
‘N skuif wat as ‘n direkte aanval op privaatheid en waardigheid beskou word.
Die saak het begin met formele klagte deur DA-hoofswep George Michalakis, wat Adams se optrede beskryf het as ‘n “aanval op waardigheid, die reg op privaatheid en die reg om persoonlike inligting veilig en beveilig te hou”. Michalakis het geargumenteer dat die verspreiding van die staf medewerker se private besonderhede nie net etiese grense oorskry het nie, maar ook die parlementêre kode van gedrag oortree het. Volgens Michalakis pesifiek dié post wat op sosiale media-gebruik en reguleer was.
Ná ‘n deeglike ondersoek het die Gesamentlike Komitee vir Etiek en Lede se Belange bevind dat Adams inderdaad die kode geskend het. Die komitee het ‘n streng sanksie opgelê: Adams moet ‘n formele verskoning in die Huis lewer, end at sy salaris vir 20 dae gedok word, en hy word vir ‘n periode van 20 sittingsdae geskors van deelname aan parlementêre debatte en komiteewerk. Dit beteken Adams sal vir ongeveer ‘n maand afwesig wees van kritiese parlementêre aktiwiteite, afhangende van die sittingskedule.
Volgens ‘n politieke ontleder, ‘n aansienlike slag vir die NCC, wat reeds worstel om sy stem in die opposisie te laat geld.
Hierdie is nie Adams se eerste oortreding nie. Vroeër in Julie 2025 is hy reeds berispe vir ‘n vulgêre, ras- en seksueel aanstootlike video-rantel teen ‘n vroulike DA-lid. Daardie voorval het golwe van verontwaardiging veroorsaak en vrae laat ontstaan oor Adams se geskiktheid as ‘n openbare verteenwoordiger. Kritici binne en buite die Parlement argumenteer nou dat hierdie herhaalde etiese lapses ‘n patroon aandui, terwyl ondersteuners van Adams dit afmaak as politieke teistering deur die DA.
“Dis ‘n skande dat ‘n parlementslid so roekeloos met mense se privaatheid omgaan,” het ‘n DA-bron anoniem aan CCN gesê. “Maar dit wys ook die noodsaak vir strenger reëls op sosiale media in die politiek.” Adams het nog nie publiek op die sanksie gereageer nie, maar bronne naby hom dui aan dat hy van plan is om die verskoning te lewer sonder verdere protes.
Hierdie voorval beklemtoon die groeiende kommer oor sosiale media se rol in die politiek, veral in ‘n land waar persoonlike aanvalle en privaatheid skendings al hoe meer algemeen word.
