R180 Miljoen vir Mure – Maar Geen Veiligheid
Kaapstad:- CAPEXIT neem kennis van die Stad Kaapstad se aankondiging van R180 miljoen om veiligheidsmure langs snelweë naby Kaapstad Internasionale Lughawe te bou.
Alhoewel enige poging om motoriste en besoekers te beskerm welkom is, is hierdie maatreël erbarmelik ontoereikend om die omvang en aard van die gewelddadige misdaad in die Wes-Kaap aan te spreek.
Mure ontmantel nie kriminele netwerke nie, stop nie bende-oorloë nie, en herstel nie openbare veiligheid nie. In die beste geval verplaas hulle misdaad tydelik. Die aanhoudende geweld langs ons snelweë, in ons gemeenskappe, en toenemend in gebiede wat deur toeriste besoek word, toon ‘n stelselmatige versaking van nasionale polisiëring en regstelsels.
Op hierdie stadium staar die Wes-Kaap ‘n duidelike Toestand van Noodsaaklikheid in die gesig. Wanneer die staat nie lewens, ekonomiese aktiwiteit of internasionale besoekers voldoende kan beskerm nie, word buitengewone maar wettige maatreëls geregverdig. Die beginsel van noodsaaklikheid is goed gevestig in grondwetlike en internasionale praktyk: waar openbare veiligheid onmiddellik bedreig word, moet gesag verskuif na die vlak van regering wat effektief kan optree.
CAPEXIT herhaal dus sy standpunt dat slegs volle provinsiale beheer oor polisiëring, vervolging en openbare orde betekenisvolle verandering kan bring. Die Wes-Kaap benodig ‘n professionele, plaaslik verantwoordbare polisiediens met operasionele beheer, intelligensiekapasiteit en vervolgingsooreenstemming — nie stuksgewyse infrastruktuurprojekte wat dieper institusionele ineenstorting maskeer nie.
Toerisme is ‘n strategiese ekonomiese lewenslyn. Gemeenskappe wat deur bendegeweld geteister word, verduur daaglikse trauma. Beide word in die steek gelaat deur ‘n gesentraliseerde stelsel wat nie meer funksioneer nie.
Die tyd vir simboliese ingrypings is verby. Veiligheid, stabiliteit en waardigheid vereis werklike gesag, nou gedevoleer, nie later belowe nie.
Na aanleiding van die wrede moord op mev. Karin van Aardt, het die Cape Independence Party (CAPEXIT) formeel geskryf aan die Uitvoerende Burgemeester van Kaapstad, die Wes-Kaapse Provinsiale Polisie-kommissaris, die Minister van Polisie en die President, met die eis vir dringende optrede om die eskalerende geweld op lughawe-roetes te stop.
Tot en met die media verklaring, was daar nog geen erkenning of respons tot dusver ontvang nie.
