Pretoria:- Die Suid-Afrikaanse Agentskap vir Maatskaplike Sekerheid (SASSA) waarsku begunstigdes om nie te val vir valse berigte oor hul toelaes nie, veral dié wat op sosiale media versprei word.
SASSA sê daar is géén waarheid in die gerugte dat dubbele toelae betalings in Junie gemaak gaan word nie. “Ons vra dat mense hierdie vals berigte moet verwerp,” sê nasionale woordvoerder Paseka Letsatsi. “Die enigste amptelike verhogings is reeds in April toegepas, en nog een volg in Oktober, soos deur die Minister van Finansies aangekondig.”
Nog ’n valse berig beweer dat sogenaamde “Nuwe Reëls” vanaf 10 Junie pensioene gaan beïnvloed, met verskillende datums vir verskillende provinsies. SASSA beklemtoon dat dit nie ’n amptelike aankondiging is nie.
Wat wel op 30 April aangekondig is, was ’n verifikasieproses slegs vir sekere begunstigdes wat óf nie ’n standaard 13-syfer ID gebruik nie, óf wat moontlik inkomste ontvang wat nie verklaar is nie.
Dit geld net vir Mei 2025.
SASSA versoek alle begunstigdes om hul inligting direk vanaf hul amptelike sosiale media of webwerf te kry en nie ongeverifieerde berigte te glo of te versprei nie.
Uitgereik deur die Suid-Afrikaanse Agentskap vir Maatskaplike Sekerheid (SASSA)
