Beaufort Wes:- Die polisie se verskerpte sigbaarheid en geteikende optrede teen die verspreiding van dwelms en vuurwapens.
Dit het plaasgevind op hoofroetes in die Sentraal-Karoo, en begin duidelik vrugte afwerp.
Tydens ‘n operasie op Woensdagmiddag, 9 Julie 2025, het lede van die Sentraal-Karoo Misdaadbestrydingseenheid op inligting gereageer oor beweerde dwelmhandel by ‘n woning in Nkosi-straat, Mandela Square, Beaufort-Wes.
Teen ongeveer 15:55 het die beamptes die perseel betree en ‘n deursoeking uitgevoer. Hoewel geen dwelms gevind is nie, het hulle ‘n 9mm-patroon en twee R5-aanvalsgeweermagasyns onder ‘n matras in die slaapkamer gevind. Daarbenewens is daar ook koperkabels en gereedskap op die perseel aangetref, wat as moontlik gesteelde eiendom beskou word.
’n Volwasse man is in hegtenis geneem op aanklagte van onwettige besit van ammunisie en die besit van gesteelde eiendom.
Die verdagte sal binnekort in die landdroshof in Beaufort-Wes verskyn.