Een verdagte vas
MANENBERG:- ’N 45-jarige man is Donderdagoggend in ’n beweerde dry-by skietvoorval op die hoek van Duinefontein- en Turfhallweg doodgeskiet, terwyl ’n jong man gewond is. 
Een verdagte is reeds in hegtenis geneem.
Volgens polisiewoordvoerder, kaptein Ian Bennett, is die slagoffers deur onbekende gewapende mans in ’n swart Hyundai Atos bestook. Wetstoepassingsbeamptes wat die aanval gesien het, het onmiddellik op die vlugtende voertuig vuur geopen. ’n Kort hoëspoed-jaagtog het gevolg voor die voertuig in Amazon Way tot stilstand gedwing is.
Een van die verdagtes is met ’n skietwond in die rug in die motor aangetref. Nog ’n man het te voet probeer vlug maar is vinnig vasgetrek. Drie verdagtes het egter daarin geslaag om te ontsnap en word steeds gesoek.
Daar is ook bevestig dat die voertuig in Woodstock as gekaap aangemeld is. Die polisie ondersoek sake van moord en poging tot moord.
Enigiemand met inligting word versoek om SAPS te kontak.
In ‘n twede voorval is die liggaam van ‘n man uit die hawe water gehaal, en na die hospitaal geneem.
’N ondersoek is tans aan die gang, nadat die liggaam van ‘n man Donderdagoggend uit die water by die Tafelbaai-hawe gehaal is. ‘N kind, na raming tussen vyf en tien jaar oud, is gered en met spoed na ’n hospitaal geneem.
Polisiewoordvoerder, sersant Wesley Twigg, het bevestig dat ’n doodsondersoek geopen is nadat die man se liggaam deur duikers uit die water verwyder is. Mediese personeel het hom op die toneel dood verklaar.
Die kind is lewend uit die water gehaal en vir behandeling gestabiliseer. B esonderhede oor sy toestand is nog nie bekendgemaak nie. Duikers het die hawe verder deursoek vir leidrade.
Hoewel berigte op sosiale media suggereer dat die man die water ingespring het met die kind – moontlik ’n selfdoodpoging – kon Twigg nie bevestig dat die twee verwant is nie, maar wel dat beide saam in die water opgemerk is.
Enigiemand met inligting word versoek om Crime Stop 08600 10111 te kontak of MySAPS-app anoniem te gebruik.
