Kenny Kunene slaan toe in Jo’Burg.
CCN Verslaggewing
Johannesburg:- Die binnestad van die Goudstad het dié week gesidder.
Waarnemende burgemeester Kenny Kunene het persoonlik ‘n grootskaalse klopjag op gekaapte geboue en onwettige immigrante gelei, die eerste daad sedert hy tydelik die stuur van die stad oorgeneem het.
Met polisie, immigrasie beamptes en kragowerhede aan sy sy, het Kunene Dinsdagoggend koers gekies na ‘n berugte gebou in Marshalltown, waar haglike toestande en onwettige aktiwiteite die afgelope tyd opslae gemaak het.
Gebou sonder wet of orde
Wat die owerhede hier ontdek het, het selfs die geharde Kunene geskok:
Tientalle hokke en makeshift kamers, gebou van sinkplate en karton,
Lewegevaarlike elektriese kabels oral oor die vloer,
Rou rioolwater wat deur die gebou loop, en….
‘n Onwettige dagsorg vir kinders, opgerig met karton en matrasse.
“Dis ’n tragedie en ’n bom wat wag om te bars,” het Kunene gesê terwyl hy self saam met die beamptes deurgeloop en kabels losgetrek het.
Meer as 40 mense in hegtenis geneem
Tydens die klopjag is meer as 40 individue, hoofsaaklik van buurlande, in hegtenis geneem op vermoede dat hulle onwettig in die land is. Volgens owerhede is talle vals identiteitsdokumente, paspoorte en vervalste werkspapiere op die toneel gevind.
Kunene was duidelik – “Ons gaan hierdie sindikate identifiseer. As jy hier is sonder regmatige dokumente, gaan jy terug waar jy vandaan kom, dis so eenvoudig soos dit.”
Krag afgesny, waarskuwing aan eienaars
Kragvoorsiener City Power het onmiddellik alle onwettige elektrisiteit afgesny en die gebou in duisternis gedompel. Kunene het gewaarsku dat alle eienaars van gekaapte geboue twee keuses het:
1. Stap vorentoe en werk saam, of
2. Sien hoe hul eiendom gekonfiskeer word.
“Ons gaan nie langer toekyk hoe mense se lewens in gevaar is, terwyl eienaars sit en geld maak uit ellende nie,” het hy bygevoeg.
Vinger wys na nie-regerings organisasies
Kunene het ook sy frustrasie uitgespreek teen sekere NGO’s en regslui wat volgens hom onwettige inwoners en sindikate beskerm. “Hulle sit in hul lugversorgde kantore en keer ons elke keer as ons probeer optree. Maar hierdie keer gaan dit nie werk nie,” het hy gewaarsku.
Politieke konteks – Geen vreemdeling aan kontroversie nie
Kunene, wat ook die adjunkpresident van die Patriotic Alliance (PA) is, is al lank bekend vir sy harde standpunt oor onwettige immigrasie. In April het hy belowe dat Gauteng ’n “geen-go-sone” vir onwettige immigrante gaan word.
Sy optrede word deur sommige as broodnodig geprys, terwyl ander bekommerd is oor moontlike menseregte-skendings en die regmatige proses.
Die burgemeester belowe dis net die begin. Verdere klopjagte op onwettige immigrante, gekaapte geboue en gevaarlike strukture in die stad word reeds beplan vir die komende dae.
“Ons vat die stad terug vir ordentlike inwoners, nie vir kriminele en sindikate nie,” het Kunene verklaar.
