CCN Nuus
Wes-Kaap:-Gesamentlike misdaad voorkomings optredes tydens die veiliger-feestyd-veldtog in die Wes-Kaap, het beduidende resultate opgelewer
Verskeie arrestasies vir die onwettige besit van vuurwapens, ammunisie en dwelms is vanaf Vrydagaand konfiskeer.
Lede van die Lentegeur Misdaad voorkomings eenheid was besig met roetine patrollies in Woodlands, toe hulle ’n onbekende man sien weghardloop, met die aankoms van ’n polisie voertuig.
Die lede het die verdagte te voet agternagesit en hom in Faraday Court vasgetrek. Tydens ’n deursoeking is ’n 9mm-pistool met 17 patrone in sy besit gevind. Die man is in hegtenis geneem vir die onwettige besit van ’n vuurwapen en ammunisie.
In ’n afsonderlike voorval in Diep River het lede van die Mitchells Plain Misdaad bekampings eenheid inligting opgevolg, oor ’n persoon wat vermoedelik dwelms versprei in Main Road. ’N voertuig is deursoek en 21 000 Mandrax-tablette is gevind. ’N volwasse man is op aanklagte van dwelmhandel gearresteer.
Intussen het lede van Operasie Lockdown III, ’n perseel in Discoverystraat, Garden Village, Maitland deursoek, waar hulle 2,370 gram tik, vier klein plastieksakkies met kokaïen, sowel as mandrax en dagga, in beslag geneem het.
Nog ’n volwasse man is vir dwelmhandel gearresteer. Die verdagtes sal môre hul eerste hofverskynings maak in die Mitchells Plain-, Wynberg- en Kaapstadse Landdroshowe.
Gemeenskapslede het die polisie se optrede verwelkom. Bonny Poysden het gesê: “Well done… keep taking it off the street. Drugs don’t only destroy addicts, but wonderful families from all walks of life.”
Shannon Lee het bygevoeg: “Well done, every little bit helps!”
Die Wes-Kaapse polisie het herhaal dat hul sigbare optredes tydens die feestyd sal voortduur om gemeenskappe veiliger te hou. ✍️
