Vertraging en Tegniese Probleme Tussen Klapmuts en Muldersvlei
Media verklaring
Kaapstad:- Pendelaars wat vanoggend met die trein reis tussen Wellington en Kraaifontein, moet ekstra reistyd in ag neem, nadat ’n vragtrein vroegoggend by Klapmuts vasgeval het.
Volgens ’n Service Advisory-verklaring is die goedertrein T3500, wat om 04:05 van Wellington na Kraaifontein vertrek het, vertraag en het dit ’n vertraging van sowat 20 tot 30 minute veroorsaak.
Kort daarna is ’n tweede kennisgewing uitgereik waarin bevestig is dat daar ook ’n oorhoofse elektriese probleem tussen Klapmuts en Muldersvlei ontstaan het. Gevolglik is die Wellington/Kraaifontein-treindiens tydelik opgeskort.
Pendelaars is versoek om alternatiewe vervoer reëlings te tref totdat die probleem opgelos is.
“Ons vra om verskoning vir enige ongerief en waardeer u begrip,” lui die verklaring.
Verdere opdaterings oor die herstelwerk en hervatting van die diens sal aan pendelaars gekommunikeer word sodra dit beskikbaar is.
