By Verkeers Padblokkade wek Kommer.
CCN Nuus
Kaapstad:- ’N 45-jarige vrou, Nonkosi Nogaga, het haar gradeplegtigheid op 24 Oktober 2025 gemis, nadat sy by ’n verkeers padblokkade in Wynberg gearresteer is.
Wat as ’n roetine-stop begin het terwyl sy haar sesjarige dogtertjie skool toe vat, het geëindig in ’n nagmerrie van aanhouding en trauma.
Volgens Nogaga het sy al haar spoed boetes via ’n mobiele app betaal en bewys daarvan aan die beamptes gewys. Die verkeersbeamptes het egter onmiddellik R1 500 geëis. Toe sy weier – omdat sy geglo het dit is ’n poging tot omkopery, is sy gearresteer.
Sy vertel dat ’n beamptes haar eie motor bestuur het om haar huilende, getraumatiseerde dogtertjie skool toe te neem, terwyl sy agterin moes sit. Die beampte het haar glo herhaaldelik gedruk om R1 000 te betaal sodat sy vrygelaat kon word.
By die Wynberg-polisiestasie is Nogaga in ’n oorvol, onhigiëniese sel geplaas. Sy is toegang tot haar handsak, selfoon en bankkaart geweier, en haar motor is in beslag geneem. Sy het die naweek in Pollsmoor-gevangenis gevrees, maar haar ouer dogter het betyds R300 borg betaal nadat Nogaga ’n boodskap uitgestuur het voor haar foon gekonfiskeer is.
Op 25 November het sy met betalings bewyse voor die hof verskyn, net om te hoor daar is geen saak teen haar nie. Geen verskoning is aangebied nie, en haar borggeld kon nie terugbetaal word nie omdat “daar niks op die stelsel is nie”.
Nogaga ly nou aan nagmerries en terugflitse. Sy vrees ook dat haar vingerafdrukke toekomstige werksgeleenthede sal benadeel, veral in velde waar polisie-klarings vir werk met kinders nodig is.
Die Stad Kaapstad se Verkeersdienste-woordvoerder, Kevin Jacobs, sê ’n “dubbele lasbrief” (tweede lasbrief nadat ’n eerste waarskuwing geïgnoreer is) is deur die hof uitgereik vir onbetaalde boetes.
Die beampte kon nie ’n tweede waarskuwing gee nie en moes die lasbrief uitvoer. Nogaga is aangebied om by ’n amptelike kassier op die terrein te betaal (geen direkte betaling aan beamptes word toegelaat nie). Toe sy nie kon betaal nie, is sy gearresteer.
’n Vroulike beampte het saamgehelp om die dogtertjie veilig skool toe te neem in Nogaga se eie voertuig, soos versoek. Nogaga het al haar besittings, insluitend selfoon en sleutels, behou terwyl sy by die verkeersbeamptes was.
Die Stad kan nie kommentaar lewer op haar ervaring by die SAPD-sel nie. Die lasbrief is dieselfde dag betaal, en die borg is terugbetaalbaar aan die betaler (nie noodwendig Nogaga nie).
Jacobs waarsku dat betaling via ’n app moontlik aan ’n nie-amptelike derde party was, aangesien die Stad se kanale webgebaseerd, by kleinhandelaars of in persoon is.
Die Stad neem die ernstige aantygings van wangedrag baie ernstig op en het ’n formele ondersoek versoek. Nogaga is gevra om ’n skriftelike verklaring in te dien, maar geen klagte is nog ontvang nie. Die Stad het eers in Desember van die aantygings verneem via media-navrae.
Hierdie voorval lig breër kwessies uit oor verkeersboete-administrasie in Suid-Afrika, insluitend vertragings met derdeparty-betalings wat nie dadelik op amptelike stelsels reflekteer nie. Geen formele klagtes teen die beamptes is nog ingedien nie, en die saak bly onopgelos.
(Bronne: News24, IOL, CapeTownEtc – Januarie 2026)
